- หน้า 324 -
สุตฺตนฺตปิฏเก ขุทฺทกนิกายสฺส สุตฺตนิปาโต __________ นโม ตสฺส ภควโต อรหโต สมฺมาสมฺพุทฺธสฺส ฯ ปฐโม อุรควคฺโค ปฐมํ อุรคสุตฺตํ- หน้า 325 -
โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ โย มานมุทพฺพธี อเสสํ นฬเสตตว สุทุพฺพลํ มโหโฆ โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ โย นาชฺฌคมา ภเวสุ สารํ วิจินํ ปุปฺผมิว อุทุมฺพเรสุ โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ ยสฺสนฺตรโต น สนฺติ โกปา อิติ ภวาภวตญฺจ วีติวตฺโต โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ ยสฺส วิตกฺกา วิธูปิตา อชฺฌตฺตํ สุวิกปฺปิตา อเสสา โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ โย นาจฺจสารี น ปจฺจสารี สพฺพํ อจฺจุคมา ๑ อิมํ ปปญฺจํ #๑ ม. ยุ. อจฺจคมา ฯ- หน้า 326 -
โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ โย นาจฺจสารี น ปจฺจสารี สพฺพํ วิตถมิทนฺติ ญตฺวา ๑ โลเก โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ โย นาจฺจสารี น ปจฺจสารี สพฺพํ วิตถมิทนฺติ วีตโลโภ โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ โย นาจฺจสารี น ปจฺจสารี สพฺพํ วิตถมิทนฺติ วีตราโค โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ โย นาจฺจสารี น ปจฺจสารี สพฺพํ วิตถมิทนฺติ วีตโทโส โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ โย นาจฺจสารี น ปจฺจสารี สพฺพํ วิตถมิทนฺติ วีตโมโห #๑ ม. ญตฺว ฯ- หน้า 327 -
โส ภิกฺขุ ชหาติ โอรปารํ อุรโค ชิณฺณมิว ตจํ ปุราณํ ฯ ยสฺสานุสยา น สนฺติ เกจิ มูลา