นวโม ติมิรปุปฺผิยวคฺโค ปฐมํ ติมิรปุปฺผิยตฺเถราปทานํ (๘๑)

---

[๘๓] จนฺทภาคานทีตีเร อนุโสตํ วชามหํ นิสินฺนํ สมณํ ทิสฺวา วิปฺปสนฺนมนาวิลํ ฯ ตสฺส ๑ จิตฺตํ ปสาเทสี ๒ เอวํ จินฺเตสหํ ตทา ตารยิสฺสติ ติณฺโณยํ ทนฺโตยํ ทมยิสฺสติ ฯ อสฺสาสิสฺสติ อสฺสตฺโถ สนฺโต จ สมยิสฺสติ โมจยิสฺสติ มุตฺโต จ นิพฺพาเปสฺสติ นิพฺพุโต ฯ เอวาหํ จินฺตยิตฺวาน สิทฺธตฺถสฺส มเหสิโน คเหตฺวา ติมิรปุปฺผํ มตฺถเก โอกิรึ ตทา ๓ ฯ อญฺชลึ ปคฺคเหตฺวาน กตฺวา จ นํ ปทกฺขิณํ วนฺทิตฺวา สตฺถุโน ปาเท ปกฺกามึ อปรํ ทิสํ ฯ อจิรํ คตมตฺตํ มํ มิคราชา อปีฬยิ ๔ ปปาตมนุคจฺฉนฺโต ตตฺเถว ปปตึ อหํ ฯ จตุนวุเต อิโต กปฺเป ยํ ปุปฺผมภิโรปยึ ทุคฺคตึ นาภิชานามิ พุทฺธปูชายิทํ ผลํ ฯ ฉปฺปญฺญาสมฺหิ กปฺปมฺหิ สตฺเตวาสุํ มหารหา ๕ สตฺตรตนสมฺปนฺนา จกฺกวตฺตี มหพฺพลา ฯ ปฏิสมฺภิทา จตสฺโส วิโมกฺขาปิจ อฏฺฐิเม #๑ ม. ตตฺถ ฯ ๒ ม. ยุ. ปสาเทตฺวา ฯ ๓ ม. ยุ. อหํ ฯ ๔ ม. อวิเหฐยิ ฯ #๕ ม. ยุ. มหายสา ฯ