สตฺตรสโม สุปาริจริยวคฺโค ปฐมํ สุปาริจริยตฺเถราปทานํ (๑๖๑)

---

[๑๖๓] ปทุโม นาม นาเมน ทิปทินฺโท นราสโภ ปวนา อภินิกฺขมฺม ธมฺมํ เทเสติ จกฺขุมา ฯ ยกฺขานํ สมโย อาสิ อวิทูเร มเหสิโน เยน กิจฺเจน สมฺปตฺตา อชฺฌาเปกฺขึสุ ตาวเท ฯ พุทฺธสฺส คิรมญฺญาย อมตสฺสว ๑ เทสนํ ปสนฺนจิตฺโต สุมโน อปฺโปเฐตฺวา ๒ อุปฏฺฐหึ ฯ สุจิณฺณสฺส ผลํ ปสฺสํ ๓ อุปฏฺฐานสฺส สตฺถุโน ตึสกปฺปสหสฺเสสุ ทุคฺคตึ โนปปชฺชหํ ฯ อูนตึเส กปฺปสเต สมลงฺกตนามโก สตฺตรตนสมฺปนฺโน จกฺกวตฺติ มหพฺพโล ฯ ปฏิสมฺภิทา จตสฺโส วิโมกฺขาปิจ อฏฺฐิเม ฉฬภิญฺญา สจฺฉิกตา กตํ พุทฺธสฺส สาสนนฺติ อิตฺถํ สุทํ อายสฺมา สุปาริจริโย เถโร อิมา คาถาโย อภาสิตฺถาติ ฯ สุปาริจริยตฺเถรสฺส อปทานํ สมตฺตํ ฯ #๑ ม. ยุ. อมตสฺส จ ฯ ๒ ม อปฺโผเฏตฺวา ฯ ๓ ม. ยุ. ปสฺส ฯ