พระสุตันตปิฎกบาลี: 18/302/480 481 482

สุตฺตนฺตปิฏเก สํยุตฺตนิกายสฺส สฬายตนวคฺโค
เล่ม 18
หน้า 302
ปญฺจหิ โข อนุรุทฺธ ธมฺเมหิ สมนฺนาคโต มาตุคาโม กายสฺส เภทา ปรํ มรณา สุคตึ สคฺคํ โลกํ อุปปชฺชติ ฯ กตเมหิ ปญฺจหิ ฯ สทฺโธ จ โหติ หิริมา จ โหติ โอตฺตปฺปี จ โหติ อกฺโกธโน จ โหติ ปญฺญวา จ โหติ ฯ อิเมหิ โข อนุรุทฺธ ปญฺจหิ ธมฺเมหิ สมนฺนาคโต มาตุคาโม กายสฺส เภทา ปรํ มรณา สุคตึ สคฺคํ โลกํ อุปปชฺชติ ฯ
[๔๘๐] ปญฺจหิ อนุรุทฺธ ธมฺเมหิ สมนฺนาคโต มาตุคาโม กายสฺส เภทา ปรํ มรณา สุคตึ สคฺคํ โลกํ อุปปชฺชติ ฯ กตเมหิ ปญฺจหิ ฯ สทฺโธ จ โหติ หิริมา จ โหติ โอตฺตปฺปี จ โหติ อนุปนาหี จ โหติ ปญฺญวา จ โหติ ฯ อิเมหิ โข อนุรุทฺธ ปญฺจหิ ธมฺเมหิ สมนฺนาคโต มาตุคาโม กายสฺส เภทา ปรํ มรณา สุคตึ สคฺคํ โลกํ อุปปชฺชติ ฯ
[๔๘๑] ปญฺจหิ อนุรุทฺธ ธมฺเมหิ สมนฺนาคโต มาตุคาโม กายสฺส เภทา ปรํ มรณา สุคตึ สคฺคํ โลกํ อุปปชฺชติ ฯ กตเมหิ ปญฺจหิ ฯ สทฺโธ จ โหติ หิริมา จ โหติ โอตฺตปฺปี จ โหติ อนิสฺสุกี จ โหติ ปญฺญวา จ โหติ ฯเปฯ
[๔๘๒] อมจฺฉรี จ โหติ ปญฺญวา จ โหติ ฯเปฯ อนติจารี จ โหติ ปญฺญวา จ โหติ ฯเปฯ สีลวา จ โหติ ปญฺญวา จ โหติ ฯเปฯ พหุสฺสุโต จ โหติ ปญฺญวา จ โหติ ฯเปฯ อารทฺธวิริโย จ โหติ ปญฺญวา จ โหติ ฯเปฯ อุปฏฺฐิตสฺสติ