พระสุตันตปิฎกบาลี: 15/303/801 802 803 804 805
สุตฺตนฺตปิฏเก สํยุตฺตนิกายสฺส สคาถวคฺโค
ยกฺขสํยุตฺตํ
__________
ปฐมํ อินฺทกสุตฺตํ
[๘๐๑] เอวมฺเม สุตํ เอกํ สมยํ ภควา ราชคเห วิหรติ
อินฺทกูเฏ ปพฺพเต อินฺทกสฺส ยกฺขสฺส ภวเน ฯ
[๘๐๒] อถ โข อินฺทโก ยกฺโข เยน ภควา เตนุปสงฺกมิ
อุปสงฺกมิตฺวา ภควนฺตํ คาถาย อชฺฌภาสิ
รูปํ น ชีวนฺติ วทนฺติ พุทฺธา
กถํ นฺวยํ วินฺทติมํ สรีรํ
กุตสฺส อฏฺฐียกปิณฺฑเมติ
กถํ นฺวยํ สชฺชติ คพฺภสฺมินฺติ ฯ
[๘๐๓] ปฐมํ กลลํ โหติ กลลา โหติ อพฺพุทํ
อพฺพุทา ชายเต เปสิ เปสิ นิพฺพตฺตตี ฆโน
ฆนา ปสาขา ชายนฺติ เกสา โลมา นขาปิ จ
ยญฺจสฺส ภุญฺชติ มาตา อนฺนํ ปานญฺจ โภชนํ
เตน โส ตตฺถ ยาเปติ มาตุกุจฺฉิคฺคโต นโรติ ฯ
ทุติยํ สกฺกสุตฺตํ
[๘๐๔] เอกํ สมยํ ภควา ราชคเห วิหรติ คิชฺฌกูเฏ ปพฺพเต ฯ
[๘๐๕] อถ โข สกฺกนามโก ยกฺโข เยน ภควา เตนุปสงฺกมิ
