พระสุตันตปิฎกบาลี: 18/308/494 495
สุตฺตนฺตปิฏเก สํยุตฺตนิกายสฺส สฬายตนวคฺโค
มาตุคาเมน ฯ อิมานิ โข ภิกฺขเว ปญฺจ ฐานานิ ทุลฺลภานิ
อกตปุญฺเญน มาตุคาเมน ฯ สตฺตมํ ฯ
[๔๙๔] ปญฺจิมานิ ภิกฺขเว ฐานานิ สุลภานิ กตปุญฺเญน
มาตุคาเมน ฯ กตมานิ ปญฺจ ฯ ปฏิรูเป กุเล ชาเยยฺยนฺติ
อิทมฺปิ ภิกฺขเว ปฐมํ ฐานํ สุลภํ กตปุญฺเญน มาตุคาเมน ฯ
ปฏิรูเป กุเล ชายิตฺวา ปฏิรูปํ กุลํ คจฺเฉยฺยนฺติ อิทมฺปิ ภิกฺขเว
ทุติยํ ฐานํ สุลภํ กตปุญฺเญน มาตุคาเมน ฯ ปฏิรูเป กุเล
ชายิตฺวา ปฏิรูปํ กุลํ คนฺตฺวา อสปตฺติ อคารํ อชฺฌาวเสยฺยนฺติ
อิทมฺปิ ภิกฺขเว ตติยํ ฐานํ สุลภํ กตปุญฺเญน มาตุคาเมน ฯ
ปฏิรูเป กุเล ชายิตฺวา ปฏิรูปํ กุลํ คนฺตฺวา อสปตฺติ อคารํ
อชฺฌาวสนฺตี ปุตฺตวตี อสฺสนฺติ อิทมฺปิ ภิกฺขเว จตุตฺถํ ฐานํ
สุลภํ กตปุญฺเญน มาตุคาเมน ฯ ปฏิรูเป กุเล ชายิตฺวา ปฏิรูปํ
กุลํ คนฺตฺวา อสปตฺติ อคารํ อชฺฌาวสนฺตี ปุตฺตวตี สมานา
สามิกํ อภิภุยฺย วตฺเตยฺยนฺติ อิทมฺปิ ภิกฺขเว ปญฺจมํ ฐานํ สุลภํ
กตปุญฺเญน มาตุคาเมน ฯ อิมานิ โข ภิกฺขเว ปญฺจ ฐานานิ
สุลภานิ กตปุญฺเญน มาตุคาเมนาติ ฯ อฏฺฐมํ ฯ
[๔๙๕] ปญฺจหิ ภิกฺขเว ธมฺเมหิ สมนฺนาคโต มาตุคาโม
วิสารโท อคารํ อชฺฌาวสติ ฯ กตเมหิ ปญฺจหิ ฯ ปาณาติปาตา
ปฏิวิรโต จ โหติ อทินฺนาทานา ปฏิวิรโต จ โหติ
กาเมสุ มิจฺฉาจารา ปฏิวิรโต จ โหติ มุสาวาทา ปฏิวิรโต จ
