สมารเก สพฺรหฺมเก สสฺสมณพฺราหฺมณิยา ปชาย สเทวมนุสฺสาย โย เม จิตฺตํ วา ขิเปยฺย หทยํ วา ผาเลยฺย ปาเทสุ วา คเหตฺวา ปารคงฺคาย ขิเปยฺย อปิจ ตฺวํ อาวุโส ปุจฺฉ ยทากงฺขสีติ ฯ

---

[๘๔๐] กึสูธ วิตฺตํ ปุริสสฺส เสฏฺฐํ กึสุ สุจิณฺณํ สุขมาวหาติ กึสุ หเว สาธุตรํ รสานํ กถํชีวึ ๑ ชีวิตมาหุ เสฏฺฐนฺติ ฯ

---

[๘๔๑] สทฺธีธ วิตฺตํ ปุริสสฺส เสฏฺฐํ ธมฺโม สุจิณฺโณ สุขมาวหาติ สจฺจํ หเว สาธุตรํ รสานํ ปญฺญาชีวึ ชีวิตมาหุ เสฏฺฐนฺติ ฯ

---

[๘๔๒] กถํสุ ตรติ โอฆํ กถํสุ ตรติ อณฺณวํ กถํสุ ทุกฺขมจฺเจติ กถํสุ ปริสุชฺฌตีติ ฯ

---

[๘๔๓] สทฺธาย ตรติ โอฆํ อปฺปมาเทน อณฺณวํ วิริเยน ทุกฺขมจฺเจติ ปญฺญาย ปริสุชฺฌตีติ ฯ

---

[๘๔๔] กถํสุ ลภเต ปญฺญํ กถํสุ วินฺทเต ธนํ กถํสุ กิตฺตึ ปปฺโปติ กถํ มิตฺตานิ คนฺถติ อสฺมา โลกา ปรํ โลกํ กถํ เปจฺจ น โสจตีติ ฯ

---

[๘๔๕] สทฺทหาโน อรหตํ ธมฺมํ นิพฺพานปตฺติยา #๑ ฆตฺวาวคฺคสฺส วิตฺตสุตฺเต กถํชีวีติ ... ปญฺญาชีวีติ ทิสฺสนฺติ ฯ