สุมนฺตมนฺติโน ธีรา ตุณฺหีภูตา สมญฺจรา เทวา วิรุทฺธา อสุเรหิ ปุถุมจฺจา จ มาตลิ อวิรุทฺธา วิรุทฺเธสุ อตฺตทณฺเฑสุ นิพฺพุตา สาทาเนสุ อนาทานา เต นมสฺสามิ มาตลีติ ฯ

---

[๙๔๑] เสฏฺฐา หิ กิร โลกสฺมึ เย ตฺวํ สกฺก นมสฺสสิ อหมฺปิ เต นมสฺสามิ เย นมสฺสสิ วาสวาติ ฯ

---

[๙๔๒] อิทํ วตฺวาน มฆวา เทวราชา สุชมฺปติ ภิกฺขุสงฺฆํ นมสฺสิตฺวา ปมุโข รถมารุหีติ ฯ ทุติโย วคฺโค ฯ ตสฺสุทฺทานํ วตปเทน ๑ ตโย วุตฺตา ทฬิทฺทญฺจ รามเณยฺยกํ ยชมานญฺจ วนฺทนา ตโย สกฺกนมสฺสนาติ ฯ #๑ ยุ. เทวา ปน ฯ