พระสุตันตปิฎกบาลี: 25/465/387

สุตฺตนฺตปิฏเก ขุทฺทกนิกายสฺส ขุทฺทกปาฐธมฺมปทคาถาอุทานอิติวุตฺตกสุตฺตนิปาตา
เล่ม 25
หน้า 465
ชิวฺหํ พฬิเสน คเหตฺวา อารจยารจยา วิหนนฺติ ๑ ฯ อถ เวตฺตรณึ ปน ทุคฺคํ ติณฺหธารํ ขุรธารมุเปนฺติ ๒ ตตฺถ มนฺทา ปปตนฺติ ปาปการา ๓ ปาปานิ กตฺวา ๔ ฯ ขาทนฺติ หิ ตตฺถ รุทนฺเต สามา สพลา กาโกลคณา จ โสณา สิงฺคาลา ปฏิคิชฺฌา กุลลา วายสา จ วิตุทนฺติ ฯ กิจฺฉา วตายํ อิธ วุตฺติ ยํ ชโน ปสฺสติ ๕ กิพฺพิสฺสการี ตสฺมา อิธ ชีวิตเสเส กิจฺจกโร สิยา นโร น จ มชฺเช ๖ ฯ เต คณิตา วิทูหิ ติลวาหา เย ปทุเม นิรเย อุปนีตา นหุตานิ หิ โกฏิโย ปญฺจ ภวนฺติ ทฺวาทส โกฏิสตานิ ปุนญฺญา ๗ ฯ ยาว ทุกฺขา นิรยา อิธ วุตฺตา ตตฺถปิ ตาว จิรํ วสิตพฺพํ #๑ โป. อารปยา วิหรนฺติ ฯ ม. อารชยารชยา ... ฯ ๒ ม. ติณฺหธารขุร ... ฯ #๓ ม. ยุ. ปาปกรา ฯ ๔ ม. ยุ. กริตฺวา ฯ ๕ ม. ผุสติ ฯ ๖ โป. น ปมชฺชเร ฯ #ม. น อปฺปมชฺเช ฯ ๗ โป. ปุนญฺเญ ฯ